6 Novembro 2018

Informe de entregas e prezos do leite en Galicia e España en setembro 2018

As entregas de leite en setembro en España rompen a tendencia alcista que se viña producindo, diminuíndo en relación a setembro de 2017 en -4.918 ton (-0,89%). Pola contra, en Galicia, continúa a tendencia alcista aumentado as entregas en 4.366 ton (+2,03%). O prezo medio do leite en Galicia en setembro de 2018 aumentou en relación ao mes anterior, situándose nos 30,80 c/litro (+0,50 c/litro), pero é inferior ao de setembro de 2017 que era de 31,10 c/litro (-0,30 c/litro)

As entregas de leite en setembro en España rompen a tendencia alcista que se viña producindo, diminuíndo en relación a setembro de 2017 en -4.918 ton (-0,89%). Pola contra, en Galicia, continúa a tendencia alcista aumentado as entregas en 4.366 ton (+2,03%), mentres que dez Comunidades Autónomas diminúen as súas entregas no mes de setembro.
Se analizamos as entregas no período xaneiro-setembro de 2018 fronte a xaneiro-setembro do 2017, Galicia segue liderando o aumento das entregas no que vai de ano con 71.235 ton, seguida moi de lonxe por Castela León (16.236 ton), segunda comunidade en aumento de entregas nese período. O aumento das entregas no conxunto de España nese período foi de 105.574 ton, representando Galicia o 67,49 % do total do aumento.
O prezo medio do leite en Galicia en setembro de 2018 aumentou en relación ao mes anterior, situándose nos 30,80 c/litro (+0,50 c/litro), pero é inferior ao de setembro de 2017 que era de 31,10 c/litro (-0,30 c/litro).
O prezo en Galicia continúa sendo dos máis baixos de España despois do de Cantabria (30,60 c/litro) situándose moi lonxe do acadado en Asturias (33,80 c/litro), que tamén aumenta con respecto ao mes de agosto, pero ao igual que en Galicia, é inferior ao de setembro de 2017.
En España os prezos no mes de setembro continúan aumentando lixeiramente con respecto ao prezo do mes de agosto, pasando dos 31,40 c/litro a 31,70 c/litro, o que supón un incremento do 0,96%. No entanto, se o comparamos co prezo de setembro de 2017, este sufre unha redución do 1,55%.
Os prezos de setembro expresados en c/quilo (30,78 en España e 29,90 en Galicia) son un 11,63% e un 14,16% inferiores, respectivamente, ao prezo medio ponderado da UE-28 que no mes de setembro de 2018 situouse en 34,83 c/quilo, continuando a tendencia alcista iniciada no mes de xullo, incrementándose con respecto ao mes de agosto en un 3,97%.

Descargas

Informe de entregas e prezos do leite en Galicia e España en setembro 2018

Newsletter