O incremento da produción en España con respecto ao ano 2023 foi de 86 mil toneladas. Galicia destaca como a rexión cun maior crecemento absoluto, rexistrando un incremento nas entregas de leite de 61,77 mil toneladas, sendo responsable de preto do 71,26% do crecemento total en España. É dicir, de cada 10 litros que aumentan as entregas en España, 7 proceden das gandarías de Galicia.

Continúa o repunte no prezo medio do leite en España e en Galicia, seguindo a tendecia iniciada no mes de xuño a nivel europeo. Galicia continúa sostendo o aumento da produción en España, representando o 71,65% vo volume aumentado.

Continúa o contexto de baixada de prezos pagados aos produtores en España e Galicia. Neste mes de agosto sobrepasouse a cifra de 5 millóns de toneladas de leite producidas en España e de dous millóns de toneladas en Galicia.

Neste primeiro semestre do ano acumúlase un aumento da produción de leite en España do que Galicia é protagonista ao representar o 60% do aumento. En contraste con este aumento da produción, os precios medios do leite en Galicia e España continúan cunha tendencia a baixa, fronte a estabilidade do prezo a nivel da UE-27.

De xaneiro a maio de 2024 a produción de leite en España aumentou en 48 mil toneladas. Destas, 26 mil (53%) foron producidas en Galicia, polo que ademáis de ser a principal produtora do estado, tamén se consolida como o motor principal do aumento da produción.