18 Xaneiro 2019

Informe de entregas e prezos do leite en Galicia e España en novembro 2018

As entregas de leite en Galicia medraron no mes de novembro 556 ton, mentres que no conxunto de España diminuiron en 8.160 ton. No que se refire aos prezos, en Galicia situouse en 31,90 c/litro, aumentando un 1,59% sobre o prezo do mes pasado. No conxunto de España situouse en 33,30 c/litros, aumentando un 2,46% sobre o do mes de outubro.

As entregas de leite en novembro en España diminuíron en relación a novembro de 2017 en 8.160 ton (-1,46%) debido á diminución das entregas en dez Comunidades Autónomas. Pola contra, en Galicia as entregas aumentaron en 556 ton (+0,26%).
Se analizamos as entregas no período xaneiro-novembro de 2018 fronte a xaneiro-novembro do 2017, Galicia segue liderando o aumento das entregas no que vai de ano con 74.052 ton, seguida moi de lonxe por Castela León (15.351 ton), segunda comunidade en aumento de entregas nese período. O aumento das entregas no conxunto de España nese período foi de 94.555 ton, representando Galicia o 78,32 % do total do aumento.
O prezo medio do leite en Galicia en novembro de 2018 aumentou en relación ao mes anterior, situándose nos 31,90 c/litro (+0,50 c/litro), pero é inferior ao de novembro de 2017 que era de 32,00 c/litro (-0,10 c/litro).
O prezo en Galicia sitúanse en novembro como o máis baixo de España (31,90 c/litro), moi lonxe dos 35 c/litro acadados en Asturias ou Cataluña neste mes.
En España o prezo no mes de novembro continúa aumentando con respecto ao prezo do mes de outubro, pasando dos 32,50 c/litro a 33,30 c/litro, o que supón un incremento do 2,46%. No entanto, se o comparamos co prezo de novembro de 2017, este sufre unha redución do 0,30%.
Os prezos de novembro expresados en c/quilo (32,33 en España e 30,97 en Galicia) son un 10,34% e un 14,11% inferiores, respectivamente, ao prezo medio ponderado da UE-28 que no mes de novembro de 2018 situouse en 36,06 c/quilo, continuando a tendencia alcista iniciada no mes de xullo, incrementándose con respecto ao mes de outubro en un 0,42%.

Descargas

Informe de entregas e prezos do leite en Galicia e España en novembro 2018

Newsletter