As entregas de leite no ano 2022 caeron no conxunto de España en 162.632 t, o que supón un -1,97% respecto ao ano 2021. Galicia liderou unha vez máis as entregas (40,8%), cunha caída moi inferior, -0,57% (-16.941 t). No canto do prezo, en Galicia situouse en 58,6 c/L en decembro de 2022, un 64,61% superior ao do mesmo mes de 2021.

O prezo medio pagado polo leite en Galicia, situouse en 57,6 c/L, unha subida do 64,57% (+22,6 c/L) respecto a novembro de 2021, mentres que en España fíxoo un 62,15% (+22,5 c/L). No que atinxe ás entregas, aínda que seguen a ser menores que en 2021, semella que están recuperándose, caendo este mes en Galicia o 1,73% e no resto de comunidades o 4,09%.

A produción segue sendo inferior á do ano 2021, e como nos meses anteriores, Galicia (-2,48%) segue rexistrando caídas inferiores ao resto de comunidades (-4,77%). Porén, o prezo medio pagado polo leite segue subindo, en Galicia situouse en 53,0 c/L, mentres que en España chegou aos 55,6 c/L.

Continúan as baixadas na produción de leite. Nos 9 primeiros meses do ano, no conxunto de España as entregas diminúen en 103.705 t (-1,85%) respecto ao mesmo período de 2021. En Galicia a baixada é menor, de 3.274 t (-0,15%), sendo o primeiro mes do ano no que o acumulado é negativo.

O prezo medio pagado polo leite en Galicia situouse en 46,2 c/L, mentres que en España chegou aos 47,6 c/L. Respecto ao mesmo mes do ano pasado, o prezo medio pagado aos produtores subiu en Galicia un 41,28% (+13,5 c/L), mentres que en España fíxoo un 40,83% (+13,8 c/L).