10 Maio 2021

Informe de entregas e prezos do leite en Galicia e España en marzo de 2021

No primeiro trimestre de 2021, as entregas de leite en Galicia medraron en 14.088 t (1,97%) respecto ao mesmo período de 2020, mentres que en España descenderon en 5.207 t (-0,28%). O prezo medio pagado polo leite en Galicia situouse en 32,9 c/L, mentres que en España situouse en 33,7 c/L.

  • Galicia lidera as entregas de leite en España no mes de marzo con 258.098 t (dato mensual máis alto rexistrado na serie histórica de entregas de leite á industria), representando un 39,38% das entregas en España (655.483 t). En comparación a marzo de 2020, as entregas continúan medrando en Galicia, +6.577 t (2,61%), mentres que no total nacional fano en menor medida, +2.159 t (0,33%), debido á caída da produción no resto de comunidades autónomas, -4.418 t (-1,10%).
  • Se analizamos o período xaneiro-marzo 2021 fronte a xaneiro-marzo 2020, no conxunto de España as entregas diminúen en -5.207 t (-0,28%). Porén, en Galicia aumentan en 14.088 t (1,97%), sendo xunto Aragón (2.473 t, 5,99%) e A Rioxa (530 t, 8,84%), as únicas comunidades autónomas nas que aumenta a produción no primeiro trimestre respecto ao acontecido no 2020. No lado oposto sitúanse Cataluña (-6.149 t, -3,10%) e Castela e León (-4.126 t, -1,77%), sendo estas dúas comunidades das maiores produtoras de leite de vaca de España (Castela e León a segunda e Cataluña a terceira) no ano 2020.
  • As calidades do leite en España teñen comportamentos diferentes neste mes, no caso da graxa diminuíu o seu valor medio con respecto ao mes previo un -0,8%, mentres que a proteína aumentou un 0,3%. En Galicia a evolución foi similar, polo que segue existindo un diferencial amplo co resto de comunidades no valor da graxa (3,82% vs. 3,69%).
  • O prezo medio pagado polo leite en Galicia, en marzo de 2021, situouse en 32,9 c/L, un aumento de 0,2 c/L (0,61%) en relación ao mes anterior, mentres que en España situouse en 33,7 c/L (-0,30%). Do mesmo xeito, o prezo medio pagado aos produtores aumentou en Galicia nun 1,86% (0,6 c/L) con respecto ao mesmo mes do ano pasado, mentres que en España fíxoo nun 1,20% (0,4 c/L).
  • A estandarización do leite en España (4,0% de graxa e 3,3% de proteína) continúa amosando un diferencial de prezos máis grande entre Galicia e o resto de comunidades autónomas que o que se observa unicamente co prezo real. A media estatal é de 34,7 c/L, que aumenta ata 35,5 c/L se non se ten en conta a produción de Galicia, onde se sitúa o prezo en 33,5 c/L.
  • Os prezos de febreiro expresados en c/kg (32,72 en España e 31,94 en Galicia) son un 5,87% e un 8,11% inferiores, respectivamente, ao prezo medio ponderado da UE-27 (todos sen estandarizar), que se situou en 34,76 c/quilo (-0,63% respecto a febreiro e 1,00% respecto a marzo de 2020).
  • As entregas de leite ecolóxico en España ascenderon no mes de marzo a 4.057 t (0,62% do total de entregas), cun prezo medio de 48,7 c/L.  Destas, 1.954 t foron de produtores galegos (48% sobre o total nacional), representando o 0,76% das entregas de Galicia. O prezo medio pagado en Galicia situouse en 47,7 c/L.

Newsletter

A través da nosa newsletter manterémolo informado das novas publicacións e eventos.