17 Abril 2019

Informe de entregas e prezos do leite en Galicia e España en febreiro 2019

As entregas de leite no mes de febreiro de 2019 en España diminuíron en relación a febreiro de 2018 en 2.466 ton (-0,44 %). No mesmo periodo Galicia aumentou as entregas en 1.911 ton. O prezo medio do leite en febreiro de 2019 en Galicia situouse en 31,50 c/litro, o que supón unha diminución de 0,2 c/litro (-0,63%) en relación ao mes anterior, sendo 0,1 c/litro inferior tamén ao prezo de febreiro de 2018 (-0,32%).

  • As entregas de leite no mes de febreiro de 2019 en España diminuíron en relación a febreiro de 2018 en 2.466 ton (-0,44 %), liderando as caídas Cataluña con 2.426 ton menos. Pola contra Galicia aumenta as entregas en relación ao mes de febreiro de 2018 en 1.911 ton (+0.90%).
  • Se contemplamos a variación das entregas de xaneiro e febreiro de 2019, fronte ás entregas do mesmo período do ano anterior, España diminuíu as entregas en 12.855 ton, mentres que Galicia aumentou as entregas nese período en 3.216 ton.
  • O prezo medio do leite en febreiro de 2019 en Galicia situouse en 31,50 c/litro, o que supón unha diminución de 0,2 c/litro (-0,63%) en relación ao mes anterior, sendo 0,1 c/litro inferior tamén ao prezo de febreiro de 2018 (-0,32%). O prezo en Galicia sitúase neste mes como o máis baixo de España, lonxe dos 34,6 c/litro de Asturias ou os 34,9 c/litro do País Vasco.
  • O prezo en febreiro en España mantense igual que no mes anterior (33,00 c/litro), sendo tamén superior ao de febreiro de 2018, que se situara en 32,90 c/litro.
  • Os prezos de febreiro expresados en c/quilo (32,04 en España e 30,58 en Galicia) son un 8,30% e un 12,47% inferiores, respectivamente, ao prezo medio ponderado da UE-28 que no mes de febreiro de 2019 situouse en 34,94 c/quilo, diminuíndo en relación ao mes de xaneiro 0,09 c/quilo (-0,26%), continuando así a tendencia baixista iniciada en decembro do 2018.

Newsletter

A través da nosa newsletter manterémolo informado das novas publicacións e eventos.