25 Maio 2018

Informe de entregas e prezos do leite en Galicia e España en marzo 2018

As entregas de leite en marzo de 2018 aumentaron en relación a marzo de 2017 tanto en España +9.934 ton (+1,62 %) como en Galicia 4.935 ton (+2,14 %) o que supón o 49,68 % do incremento total de España neste mes. O prezo medio do leite en marzo de 2018 en Galicia situouse en 31,40 c/litro, o que supón unha diminución de 0,20 c/litro (-0,63%) en relación ao mes anterior.

Continuando a tendencia alcista iniciada en marzo do ano pasado, as entregas de leite en marzo de 2018 aumentaron en relación a marzo de 2017 tanto en España +9.934 ton (+1,62 %) como en Galicia 4.935 ton (+2,14 %) o que supón o 49,68 % do incremento total de España neste mes.
Todas as Comunidades Autónomas, agás Extremadura, Cantabria e Baleares, incrementan as entregas en marzo de 2018, liderando Galicia os incrementos en termos absolutos (4.935 ton), seguida de Castela León (1.877 ton) e Cataluña (1.872 ton).
Se analizamos as entregas no período xaneiro-marzo 2018 fronte a xaneiro-marzo do 2017, Galicia segue a ser o líder absoluto cun aumento das entregas de 28.119 ton, multiplicando por algo máis de tres o aumento das entregas no mesmo período de Castela León (9.028 ton), segunda comunidade en aumento de entregas nese período. O aumento das entregas no conxunto de España nese período foi de 59.392 ton.
O prezo medio do leite en marzo de 2018 en Galicia situouse en 31,40 c/litro, o que supón unha diminución de 0,20 c/litro (-0,63%) en relación ao mes anterior, sendo 1,20 c/litro superior ao de marzo de 2017 o que supón un incremento do 3,97%. O prezo en Galicia continúa sendo dos máis baixos de España despois do de Murcia (30,70 c/litro) e do de Aragón (31,20 c/litro), situándose o prezo neste mes en Baleares (31,50 c/litro) por encima do de Galicia.
Ao igual que en Galicia, o prezo en marzo en España tamén se reduce con respecto ao mes de febreiro, situándose nos 32,40 c/litro (-1,52%), sendo un 3,18 % superior ao de marzo de 2017.
Os prezos de marzo expresados en c/quilo (31,46 en España e 30,49 en Galicia) son un 6,81% e un 9,69% inferiores, respectivamente, ao prezo medio ponderado da UE-28 que no mes de marzo de 2018 diminuíu 0,70 c/quilo en relación a febreiro de 2018, situándose en 33,76 c/quilo (-2,03%).

Descargas

Informe de entregas e prezos do leite en Galicia e España en marzo 2018

Newsletter