9 Outubro 2018

Informe de entregas e prezos do leite en Galicia e España en agosto 2018

Galicia continúa liderando os incrementos das entregas en agosto do 2018 (+5.785 ton) seguida a moita distancia da Comunidade Valenciana (+714 ton) e de Castela León (+642 ton). O prezo medio do leite en Galicia en agosto de 2018 mantívose estable en relación ao mes de xullo nos 30,30 c/litro, e igual ao prezo de agosto de 2017, mentres que en España sufren un pequeno repunte (+0,64%)

  • As entregas de leite en agosto de 2018 continúan medrando en relación a agosto de 2018 tanto en España +3.412 ton (+0,59 %) como en Galicia 5.785 ton (+2,58 %).
  • Galicia continúa liderando os incrementos das entregas en agosto do 2018 (+5.785 ton) seguida a moita distancia da Comunidade Valenciana (+714 ton) e de Castela León (+642 ton). Pola contra, oito Comunidades Autónomas diminúen as entregas nese período, liderando as reducións País Vasco (-1.755 ton ) e Cataluña (-1.211 ton).
  • Se analizamos as entregas no período xaneiro-agosto de 2018 fronte a xaneiro-agosto do 2017, Galicia segue liderando o aumento das entregas no que vai de ano con 66.887 ton, seguida moi de lonxe por Castela León (16.159 ton), segunda comunidade en aumento de entregas nese período. O aumento das entregas no conxunto de España nese período foi de 110.493 ton, representando Galicia o 60,54 % do total do aumento.
  • O prezo medio do leite en Galicia en agosto de 2018 mantívose estable en relación ao mes de xullo nos 30,30 c/litro, e igual ao prezo de agosto de 2017.
  • O prezo en Galicia continúa sendo dos máis baixos de España despois do de Cantabria (30,10 c/litro) situándose moi lonxe do acadado en Asturias (33,60 c/litro), que ao igual que en Galicia, non varía con respecto ao prezo de xullo de 2018.
  • En España os prezos no mes de agosto sofren un lixeiro repunte con respecto ao prezo do mes de xullo, pasando dos 31,20 c/litro a 31,40 c/litro, o que supón un incremento do 0,64%. No entanto, se o comparamos co prezo de agosto de 2017, este sufre unha redución do 0,63%.
  • Os prezos de agosto expresados en c/quilo (30,49 en España e 29,42 en Galicia) son un 8,98% e un 12,18% inferiores, respectivamente, ao prezo medio ponderado da UE-28 que no mes de agosto de 2018 situáronse en 33,50 c/quilo, continuando a tendencia alcista iniciada no mes de xullo, supoñendo un incremento con respecto a este mes de 2,01%.

Newsletter

A través da nosa newsletter manterémolo informado das novas publicacións e eventos.